ДЭЛХИЙН МЭДЭЭ

Жо Байден трансжендер хүмүүс цэргийн алба хаах боломжийг нээлээ

Америкийн Ерөнхийлөгч асан Дональд Трамп трансжендер хүмүүсийг цэргийн алба хаахыг хориглосон шийдвэр гаргасан билээ. Харин саяхан тангаргаа өргөж, түүний халааг авсан Төрийн тэргүүн Жо Байден энэхүү шийдвэрийг цуцлах болсон тухай “CBS News” мэдээллээ.

Тэрбээр энэ талаар удахгүй зарлиг гаргаж, холбогдох заавар, төлөвлөгөөг боловсруулахыг зэвсэгт хүчинд даалгах гэнэ.  Түүнээс гадна эрэгтэй төрсөн ч хүйсээ солиулан эмэгтэй болсон Рейчел Левайныг Эрүүл мэндийн сайдын туслахаар томилохоо Жо Байден өмнө нь мэдэгдсэн юм. Ингэснээр Рейчел Левайн Сенатаар батлуулж, холбооны улсын хэмжээний ийм албанд томилогдсон анхны транжендер хүн болох нь.

2016 оны зургадугаар сараас 2017 оны долдугаар сарын хооронд АНУ-ын армид трансжендер хүмүүс алба хаахыг зөвшөөрч байв. Гэвч Ерөнхийлөгч Дональд Трамп үүнийг хориглосон бөгөөд түүний  энэ шийдвэрийг тухайн үед бэлгийн чиг хандлага, хүйсээр ялгаварлан гадуурхсан үйлдэл гэж шүүмжилж байжээ.

Эх сурвалж: CBS News

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet