ЗАСГИЙН ГАЗАР

Ч.БОЛОРТУЯА: АНУ-аас нэг сая тун вакцин тусламжаар авах болсон

Гэрэл зургийг
MPA.mn

Засгийн газрын өнөөдрийн (2021.10.06) ээлжит хуралдаанаас гарсан шийдвэрийн танилцууллаа.

Энэ үеэр Ерөнхий сайд Л.Оюун-Эрдэнийн хэвлэлийн төлөөлөгч Ч.Болортуяа коронавирусийн эсрэг дархлаажуулалтын талаар товч мэдээллээ. Тэрбээр “Улсын хэмжээнд 2021 оны аравдугаар сарын 5-ны байдлаар коронавирусийн эсрэг вакцинжуулалтад хамрагдалт нийт хүн амын 69.2 хувь нь нэгдүгээр тун, 65.5 хувь нь хоёрдугаар тунд хамрагдсан байна. Нэмэлт тунд 323,940 хүн буюу нийт хүн амын 10 хувь хамрагдсан. Өнөөдрийн байдлаар нийт 6.4 сая тун вакцин татан аваад байна. Мөн АНУ-аас нэг сая тун вакциныг тусламжаар өгөхөөр болсон. Өөрөөр хэлбэл, вакцины нөөц хангалттай түвшинд хүрээд байгаа.

Тийм учраас Эрүүл мэндийн яамнаас гуравдугаар тунгийн дархлаажуулалтын цэгүүдийг иргэдэд ойртуулж, өрхийн эмнэлэг болон явуулын цэгүүдээр хийж байна. Харин өндөр настан, хөгжлийн бэрхшээлтэй иргэдийн гэрт нь очиж нэмэлт тунг хийнэ. Нэмэлт тунд хамрагдсан иргэдийн дархлаа сайн тогтож байгааг Эрүүл мэндийн яам болоод олон улсын судалгаанаас харж болно. Тийм учраас 18-аас дээш насны иргэдийг нэмэлт тунд идэвхтэй хамрагдахыг Засгийн газраас уриалж байна” гэв.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet