Яагаад амны хаалт зүүх ёстой вэ

Амны хаалт нь амьсгалын замаар гадагшилж буй халдвар үүсгэгчийг хязгаарлах үүрэгтэй. Өөрөөр хэлбэл, амьсгалын замын халдварт өвчнөөс урьдчилан сэргийлэх, тархалтыг бууруулах арга хэмжээний нэг нь амны хаалт хэрэглэх явдал юм.

"Ковид-19" цар тахлын үед амны хаалт зүүхгүй байвал та халдвар авах маш өндөр эрсдэлтэй байна гэсэн үг.

1. Амны хаалтыг огт хэрэглээгүй тохиолдолд халдвар тархах эрсдэл МАШ ӨНДӨР
2. Амны хаалтыг зөвхөн эрүүл хүн хэрэглэсэн тохиолдолд халдвар тархах эрсдэл ӨНДӨР
3. Халдвартай хүн амны хаалттай ч, эрүүл хүн амны хаалтгүй үед халдвар тархах эрсдэл ДУНД ЗЭРЭГ
4. Хүн бүр амны хаалт хэрэглэвэл халдвар тархах эрсдэл БАГА байна.

Тиймээс иргэд та бүхэн хүн бүр амны хаалт байнга зүүж, гараа тогтмол угаахыг НЭМҮТ-өөс зөвлөж байна.

Маск зөв зүүх дараалал:

• Амны хаалтаа зүүхээс өмнө гараа угаана
• Маскны хатуулгыг хамарны уг хэсэгт таруулна
• Маск нь таны хамар, амыг бүрэн тагласан, ямар нэг зай завсаргүй байна
• Маск зөв зүүсний дараа гадна хэсэгт хүрч болохгүй. (Бохирлогдсон байгаа)
• Хүрсэн тохиолдол бүрийн дараа гараа сайтар угаах хэрэгтэй
• Хэрэглэсэн амны хаалтыг хаяхдаа 2 талын резинийг чихнээсээ мултлан тайлж гаднах хэсэгт хүрэлгүйгээр нугалж хогийн саванд хийнэ. (Боломжтой бол гялгар уутанд хийж хогийн саванд хийнэ)
• Гараа угаана