Усны тухай хуулиас МАН-ын бүлэг дахин завсарлага авлаа

Усны тухай хуулиас МАН-ын бүлэг завсарлага авлаа. 

МАН-ын бүлгийн дарга Ж.Батжаргал: Мэргэжлийн байгууллагын судалгааг харж байж байр сууриа нэгтгэнэ. Усны хуулийг дэмжихгүй гэж байгаа юм биш. Хуулиа батлуулах гэж хэн нэгэн тэрслээд байгаа юм шиг буруу ойлголт өгөх хэрэггүй

Гэрэл зургийг MPA.mn

УИХ-ын гишүүн Л.Мөнхбаясгалан: Усны тухай хуулийг хойшлуулаад байгаа нь уул, уурхайн лобби орчихлоо гэж харж байна. МАН уул, уурхайн лоббигоор явж ирсэн гэдэг нь батлагдаж байна. Хэрэв өнөөдөр санал хураасан бол энэ хууль хэлэлцэхээр дэмжигдэх байсан. Зориуд хойшлуулж, шинэ жил дөхөөд, хүмүүсийн анхаарал сулраад, гишүүд чөлөө аваад эзгүйрэх үеийг хүлээж байгаад дэмжихгүй санаатай байх шиг. Энэ хууль батлагдвал уул, уурхайн компаниудын усны төлбөр гурав дахин нэмэгдэнэ. Тэгэхээр хэний эрх ашиг хөндөгдөх гээд байгаа нь харагдаж байгаа болов уу