ХӨТӨЧ: Амралтын өдрүүдэд төв болон зүүн аймгуудын нутгийн хойд хэсгээр хур тунадас орж, сэрүүснэ

Бямба гараг буюу 9-р сарын 12-ны өдөр Өвөрхангай, Дорнодын зарим сумд, Хэнтий, Сүхбаатарын зүүн сумдын нутгаар 0.0-1.4 мм бага зэргийн бороо, Хэнтийн уулаараа нойтон цас орно. 
12-13-нд шилжих шөнө Дорнодын хойд болон зүүн сумдын нутгаар, 13-ны НЯМ гарагт Дорнодын зүүн сумдын нутгаар бага зэргийн бороо орно.

Салхи ихэнх нутгаар баруун хойноос секундэд 3-8 метр, 13-нд /Ням/ говь, тал, хээрийн нутгаар секундэд 12-14 метр хүрч ширүүснэ.

9-р сарын 12-н буюу Бямба гарагийн өдөр нутгийн зүүн хэсгээр сэрүүсэж Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгааар +12…+17 градус, Их нууруудын хотгор болон Эхийн голын Баянбүрд орчмоор +25…+30 градус, бусад нутгаар +19…+24 градус дулаан байна. 

Түүнчлэн 9-р сарын 12-13-нд шилжих шөнө Орхон-Сэлэнгийн сав газар, Хэнтийн уулархаг нутгаар хөрсөн дээр цочир хүйтэрч болзошгүй тул ил задгай төмс, хүнсний ногоо хайрагдахыг анхааруулж байна.

9-р сарын 14-нөөс ихэнх нутгаар өдөртөө дулаарна. 

Эх сурвалж: ЦУОШГ