"Amazon": Жолоочгүй роботакси үйлчилгээ эрхлэх зөвшөөөрлөө авлаа

Гэрэл зургийг REUTERS агентлагийн эрхтэйгээр нийтлэв.

"Amazon" компанийн өөрөө жолооддог автомашин хөгжүүлэгч "Zoox" компани уламжлалт жолооны хүрд, дөрөөгүй роботаксигаар төлбөртэй үйлчилгээ үзүүлэх АНУ-ын анхны зөвшөөрлийг авлаа.

АНУ-ын холбогдох зохицуулах байгууллагаас олгосон энэхүү зөвшөөрөл нь "Zoox" компанид тусгайлан бүтээсэн хоёр чиглэлд ижилхэн хөдөлгөөнтэй, бүрэн автомат роботаксигаа арилжааны зориулалтаар ашиглах боломжийг нээж байна.

"Zoox"-ийн роботакси нь жолооны хүрд, тоормос болон хийн дөрөөгүйгээр бүтээгдсэн бөгөөд бүх хөдөлгөөнийг хиймэл оюун ухаан, мэдрэгчийн системээр удирддаг онцлогтой.

Энэхүү зөвшөөрөл нь АНУ-д бүрэн жолоочгүй нийтийн тээврийн үйлчилгээг нэвтрүүлэхэд томоохон ахиц гэж үнэлэгдэж байгаа бөгөөд "Zoox" компани ойрын хугацаанд үйлчилгээгээ өргөжүүлэхээр төлөвлөж байна.

Эх сурвалж: Reuters