Богдхан ууланд алхах, агаарлах хөдөлгөөнөө хязгаарлахыг анхааруулав

Гэрэл зургийг MPA.mn

2026 оны байдлаар 24 удаагийн дуудлага, мэдээлэл бүртгэгдэж, УБ хотын зуслангийн бүс, Богдхан уулын орчимд баавгай харсан гэх дуудлага мэдээлэл болон ул мөр илэрч байгаа нь иргэдийн аюулгүй байдалд эрсдэл учрах нөхцөл нэмэгдэж байгааг харуулж байна.

Иймд ууланд алхах, агаарлах хөдөлгөөнөө хязгаарлахыг Богдхан уулын дархан цаазат газрын Хамгаалалтын захиргаанаас анхааруулж байна.

Богдхан уулын орчимд:

- Ганцаараа ой, уулын бүсээр зорчихгүй байх
- Баавгай харсан тохиолдолд ойртох, зураг авах гэж хөөцөлдөх, хооллох, өдөөн хатгахыг ХАТУУ ХОРИГЛОНО
- Баавгайн бамбаруушид ойртохгүй байх
- Баавгайн ул мөр, баас, үс зэрэг шинж тэмдэг илэрвэл тухайн газраас даруй холдож, мэдээлэх
- Баавгайтай таарсан тохиолдолд тайван байж, ойртохгүй, араас нь хөөхгүй, аюулгүй зайд холдох

Иргэд та бүхэн Богдхан ууланд аялж, амарч явахдаа аливаа аюул, эрсдэлтэй нөхцөл байдал үүссэн тохиолдолд 24 цагаар Богдхан уулын дархан цаазат газрын Хамгаалалтын захиргааны байгаль хамгаалагчидтай холбогдож, мэдээлэл өгөх, авах боломжтой.