Согтуугаар тээврийн хэрэгсэл жолоодсон 105 тохиолдол бүртгэгджээ

Цагдаагийн ерөнхий газраас 2026 оны арваннэгдүгээр сарын 4-ний өдөр 102 тусгай дугаарт ирсэн хоногийн мэдээг танилцууллаа.

Тус өдөр цагдаагийн байгууллагад нийт 2021 гомдол, мэдээлэл бүртгэгдсэнээс 798 нь зөрчлийн шинжтэй, 91 нь гэмт хэргийн шинжтэй дуудлага, мэдээлэл байжээ. Мөн нэг хэргийг шуурхай илрүүлж, өмнө үйлдэгдсэн 100 хэргийг нөхөн илрүүлсэн байна.

Түүнчлэн тухайн өдөр бүртгэгдсэн зарим төрлийн дуудлага, мэдээллийг дурдвал:

• Залилах гэмт хэрэг – 22

• Хүүхэд, гэр бүлийн хүчирхийлэл – 50

• Хулгайлах гэмт хэрэг – 12

• Эрүүлжүүлсэн – 112

• Согтуугаар тээврийн хэрэгсэл жолоодсон – 105 тохиолдол тус тус бүртгэгджээ.

Иймд иргэдийг гэмт хэрэг, зөрчлөөс урьдчилан сэргийлж, замын хөдөлгөөнд соёлтой оролцох, согтууруулах ундаа хэрэглэсэн үедээ тээврийн хэрэгсэл жолоодохгүй байхыг цагдаагийн байгууллагаас анхааруулж байна.