НИЙГЭМ

Улсын хэмжээнд наадам тэмдэглээгүй ч уралдааны мориноос 12 хүүхэд унаж, нэг хүүхэд энджээ

2021-07-22

Гэрэл зургийг MPA.mn

Энэ оны эхний хагас жилийн байдлаар мориноос унаж гэмтсэн шалтгаанаар улсын хэмжээнд нийтдээ 414, ГССҮТ-д 151 хүүхэд хэвтэж эмнэлгийн тусламж, үйлчилгээ авчээ. Гэмтсэн хүүхдүүдийн найм нь л хамгаалалтын малгайтай байсан аж.

Мориноос унаж гэмтсэн хүүхдүүдийн дийлэнх хувийг 8-11 насныхан эзэлж, мөн гурав хүртэл насныхан ч байсан гэж ГССҮТ-өөс мэдээллээ. Энэ жил улсын хэмжээнд баяр наадам тэмдэглээгүй ч уралдааны мориноос 12 хүүхэд унаж гэмтэн, эмчлүүлж, нэг хүүхэд энджээ. Өөрөөр хэлбэл, морин уралдааныг орон нутагт нууцаар зохион байгуулж байгаа нь ийн хүүхдийг эрсдэлд оруулж, амь насанд нь хүрч байна.