БАЙГАЛЬ ОРЧИН

Номхон далайн бүс нутагт далайн түрлэг, ган гачиг болж, усны давсжилт нэмэгдсэнээс ургац тариалах боломжгүй болжээ

Дэлхий даяар Цельсийн 1.5 хэмээс дээш дулаарах нь Номхон далайн арлын орнуудын хувьд “сүйрэлд хүргэх” бөгөөд энэ зуунд багтаад далайн түвшин нэмэгдсэний улмаас зарим улсууд бүхэлдээ усанд автаж болзошгүй гэж мэргэжилтнүүд анхааруулжээ.

Номхон далайн бүс нутагт далайн түрлэг, гамшигт шуурга, ган гачиг болж, усны давсжилт нэмэгдсэнээс ургац тариалах боломжгүй нөхцөл байдал үүсэн, нам дор арлууд далайн түвшний өсөлтөд нэрвэгдээд байна. Дэлхий дулаарах тусам эдгээр хямралуудын давтамж нэмэгдэх төлөвтэй байна.

Уур амьсгалын өөрчлөлтийн засгийн газар хоорондын зөвлөл (IPCC) даваа гарагт дэлхийн хэт халалтын талаар чухал тайланг нийтэлсэн бөгөөд хэт халалтыг Цельсийн 1.5 хэмээс хэтрүүлэхгүй хязгаарлахын тулд хүлэмжийн хийн ялгаруулалтыг хоёр дахин бууруулах шаардлагатай байгааг анхааруулжээ.

IPCC-ийн тайланд CO2 болон хүлэмжийн хийн ялгаруулалтын янз бүрийн түвшинд үндэслэн таван хувилбарыг танилцуулсан бөгөөд уг тайланд дурдсанаар хүлэмжийн хийн ялгаруулалтын хэмжээ өндөр болон маш өндөр түвшинд байсаар байвал дэлхийн дулаарал зууны эцэс гэхэд үйлдвэрлэлийн өмнөх түвшнээс Цельсийн 3.6 хэм болон 4.4 хэм хүртэл нэмэгдэх төлөвтэй байна. Ялгаруулалт дундаж түвшинд байсан ч дэлхий дулаарал Цельсийн хоёр хэмийг давах магадлал маш өндөр байна гэжээ.

Мөн Дэлхийн дулаарал Цельсийн 0.5 хэмээр нэмэгдэх тутамд дулааны долгионы хүч, давтамж, хур тунадас, ган гачиг, цаг агаарын эрс тэс өөрчлөлт илт мэдэгдэхүйц нэмэгддэг болохыг тайланд дурджээ.

Эх сурвалж: The Guardian

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet