ЭЕРЭГ МЭДЭЭ: Нийслэлийн 57 дугаар сургуулийн 11а ангийнхан нийгэмд ЭЕРЭГ хандлагыг түгээв

Нийслэлийн ерөнхий боловсролын 57 дугаар сургуулийн 11а ангийхан өнөөдөр нийгэмдээ эерэг уур амьсгал, хандлагыг түгээх зорилгоор өөрсдийн чанаж бэлдсэн халуун арцаараа Замын цагдаа болон ТҮК-ийн ажилчид, дугуй засвар ажиллуулдаг игэдийг дайллаа. 

Анги удирдсан багш Б.Ууганчимэг хэлэхдээ “Энэхүү санаачлагыг хүүхдүүд маань гаргаж, дэмжин хэрэгжүүлсэн. Бид орчин тойрондоо эерэг хандлагыг түгээж үүндээ үеийнхнээ уриалах гол зорилготой юм. 

Сурагчид маань Чингэлтэй дүүргийн 11, 12 дугаар хороогоор явж, үүрэг гүйцэж байгаа Тээврийн цагдаагийн алба хаагчид болон ТҮК-ийн ажилчдыг халуун арцаараа дайллаа. Учир нь эдгээр хүмүүс бидний аюулгүй байдал, цэвэр орчныг хариуцдаг.

Сурагчид маань энэхүү сайн үйлсийн ажлаа цаашид ч тодорхой давтамжтай хийсээр байх болно” гэсэн юм.

Гэрэл зургийг MPA.mn