ХӨСҮТ: Ковид-19 халдварын тохиолдол сүүлийн өдрүүдэд эрс нэмэгдсэн

Халдварт өвчин судлалын үндэсний төвөөс цаг үеийн асуудлаар мэдээлэл хийлээ.

Энэ үеэр тус төвийн ерөнхий захирал Ц.Билэгсайхан орны нөхцөл байдлын талаар ярилаа. 

Тэрбээр "Сүүлийн өдрүүдэд коронавирусийн халдварын тохиолдлын тоо ихсэж байна. Үүнтэй холбоотойгоор орны ачаалал нэмэгдлээ. Халдварын гурав дахь давлагааны үед 23 мянган орыг дэлгэж тусламж үйлчилгээ үзүүлсэн. Ингэхдээ ХӨСҮТ-д гэхэд 400 гаруй ор дэлгэж байсан бол өнөөдрийн мэдээллээр 350 ор дэлгэсэн байгаа. ХӨСҮТ-д өдөрт 40-50 хүн ирж хэвтэж байна. Ачаалал маш ихээр нэмэгдэж байна. 350 оронд эрчимт эмчилгээний заалттай зургаан хүн бий.

ХӨСҮТ эрчимт эмчилгээний 12 ортой. Өмнөх Дельта давлагааны үеэр 12-оос илүү ачаалалтай ажиллаж байсан.

Улсын хэмжээнд өнөөдрийн байдлаар 2,843 ковидын ор дэлгэсэн. Үүнд,

• Улаанбаатарт 1,891
• Орон нутагт 992" гэлээ.