Солонгосын сэтгүүлчдийн холбооны төлөөлөгчид Монголд ирлээ

МСНЭ-ийн Ерөнхийлөгч Ө.Отгонбаатарын урилгаар БНСУ-ын сэтгүүлчдийн холбооны Ерөнхийлөгч Ким Дун Хун болон төлөөлөгчдийн айлчлал эхэллээ. Төлөөлөгчдийг МСНЭ-ийн Ерөнхийлөгч Ө.Отгонбаатар, дэд ерөнхийлөгч Б.Ууганбаяр, Б.Нямдорж, Ерөнхийн нарийн бичгийн дарга Э.Болортулга нар хүлээн авав.

БНСУ-ын сэтгүүлчдийн холбооны төлөөлөгчид 7 хоног Монгол Улсад айлчлах бөгөөд Эх дэлхий-Сэтгүүлчид уриан дор албан айлчлал зохион байгуулагдана. Энэ хүрээнд маргааш буюу 2022 оны есдүгээр сарын 19-ний өдрийн 10:0 цагаас хоёр холбооны төлөөлөгч нар албан уулзалтаар хамтран ажиллах хэлэлцээр хийснээр айлчлал эхлэх юм.

Хэлэлцээрээр хоёр орны сэтгүүлчдийн байгууллагын цаашдын хамтран ажиллах хүрээ, редакциудыг холбож туршлага судлах, сэтгүүлчдийн солилцоо зэрэг олон асуудлыг хөндөн ярилцана.