ДЭЛХИЙН МЭДЭЭ

Германы Эрүүл мэндийн сайд Канцлерт нэр дэвшиж магадгүй

ХБНГУ-ын Канцлер Ангела Меркелийн халааг хэн авах талаар таамаглалууд гарч эхэлжээ. Тус улсын Эрүүл мэндийн сайд Йенс Шпан Канцлерт нэрээ дэвшүүлж магадгүйг “Bild” мэдээлсэн байна. Коронавирусийн халдвар, цар тахлын нөхцөлд оновчтой шийдвэр гаргаж, сайн ажилласан тул түүний нэр хүнд сүүлийн хэдэн сард өссөөр байгаа юм. Тухайлбал, өнгөрсөн аравдугаар сард олон нийтийн дунд явуулсан санал асуулгаар Йенс Шпаны рейтинг Ангела Меркелийнхийг давж гарчээ.

Энэ сард Германы эрх баригч нам болох бХристийн ардчилсан холбооны их хурал болох бөгөөд тэд энэ үеэр намын даргаа сонгож, Канцлерт нэр дэвшигчийг тодруулна. Одоогоор бизнесмэн Фридрих Мерц, Бундестагийн Олон улсын харилцааны хорооны дарга Норберт Ретген болон Умард Рейн-Вестфалийн мужийн  тэргүүн Армин Лашет гэсэн гурван хүн Канцлерт нэр дэвшихээр яригдаж байгаа юм.

2005 оноос хойш ХБНГУ-ын Канцлерын албыг хашиж буй Ангела Меркель ажлаа хүлээлгэн өгч, ахин нэрээ дэвшүүлэхгүй гэдгээ мэдэгдсэн юм.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet