Дэлхийн бондын зах зээл есдүгээр сарыг хүндхэн үдэж байна

Гэрэл зургийг REUTERS агентлагийн эрхтэйгээр нийтлэв. 

Дэлхийн бондын зах зээл есдүгээр сард сүүлийн жилүүдийн хамгийн хүнд үеийн нэгтэй нүүр тулж байна. Засгийн газруудын өрийн дарамт нэмэгдэж, бондын нийлүүлэлт өссөнөөс гадна инфляцын дарамт үргэлжилж байгаа нь зах зээлд нөлөөлж байна. 

АНУ-ын 10 жилийн хугацаатай Төрийн сангийн бондын өгөөж Азийн арилжааны үеэр 5.2383 хувь орчимд хүрч, 2007 оноос хойших хамгийн өндөр түвшинд ойртжээ. Тус өгөөж есдүгээр сард бараг 0.5 нэгж хувиар өсөх төлөвтэй байгаа нь сүүлийн хоёр орчим жилийн хамгийн том сарын өсөлт болж байна. 

Бондын өгөөж өсөхийн зэрэгцээ бондын үнэ буурдаг. Иймээс дэлхийн гол зах зээлүүдийн зээлийн болон санхүүжилтийн өртөг нэмэгдэх дарамт үүсэж байна.

Харин хувьцааны зах зээл бондын зах зээлийн савлагаатай харьцуулахад харьцангуй тогтвортой байна. Азийн хувьцааны зах зээл есдүгээр сард бага хэмжээгээр буурах төлөвтэй байгаа ч Японы Nikkei сарын дүнгээр бараг өөрчлөлтгүй, БНСУ-ын Kospi 1.4 хувийн өсөлттэй байх төлөвтэй байна. 

Зах зээлийн тогтвортой байдалд компанийн ашиг орлогын төлөв, дэлхийн эдийн засгийн өсөлт болон хиймэл оюун ухаантай холбоотой хөрөнгө оруулалтын идэвх нөлөөлж байгаа аж. 

Эх сурвалж: Reuters