Трамп Иранд тавьсан хоригийг хөнгөлөх санал тавьснаа үгүйсгэв

Гэрэл зургийг REUTERS агентлагийн эрхтэйгээр нийтлэв. 

АНУ-ын Ерөнхийлөгч Дональд Трамп Ираны цөмийн хөтөлбөртэй холбоотой тохиролцооны хүрээнд тус улсад тавьсан хоригийг сулруулах, царцаасан хөрөнгийг нь чөлөөлөх санал тавьсан гэх мэдээллийг үгүйсгэлээ.

Тэрээр Axios болон CNN-ийн мэдээлэлд хариулахдаа Иранд “юу ч санал болгоогүй” хэмээн мэдэгдсэн байна. Тус хэвлэлүүд нэрээ нууцалсан АНУ-ын албаныхны мэдээлэлд тулгуурлан, Иран цөмийн хөтөлбөртөө тодорхой ахиц гаргавал хоригийг хөнгөвчлөх, царцаасан хөрөнгийг суллах боломжийг Вашингтон хэлэлцэж байгаа гэж мэдээлсэн юм. 

Үүний зэрэгцээ АНУ, Ираны тал зуучлагчдаар дамжуулан долоон сар үргэлжилж буй мөргөлдөөнийг зогсоох дипломат яриа хэлэлцээг сэргээхээр тус тус уулзалт хийжээ. Иран дипломат арга замаар асуудлыг шийдвэрлэхэд бэлэн гэдгээ илэрхийлсэн бол цөмийн хөтөлбөрийн асуудлаар тохиролцох нөхцөл хэвээр байна. 

Эх сурвалж: Reuters