ДЭЛХИЙН МЭДЭЭ

Хятад улсад тагнуул хийсэн хэргээр Канадын иргэн Майкл Спаворт 11 жил хорих ял оноожээ

Хятадын шүүх Канадын бизнесмэнийг тагнуул хийсэн хэрэгт буруутган 11 жилийн хорих ял оноожээ. Майкл Спавор Канадын дипломатч асан Майкл Ковригийн хамт баривчлагдсаныхаа дараа 2018 оноос хойш хоригдож байгаа юм.

Дандунгийн шүүх лхагва гаригт нийтэлсэн мэдэгдэлдээ “тагнуул хийж, улсын нууцыг хууль бусаар гадаадад дамжуулсан гэмт хэргийн улмаас [Спаворт] 11 жилийн хорих ял оноож, 50,000 юань (7715 доллар)-ын хувийн эд хөрөнгийг хураан авч, албадан гаргахаар шийдвэрлэсэн” гэжээ. Энэхүү мэдэгдэлд албадан гаргах хугацааг тодорхой заагаагүй боловч Хятад улс гадаадын иргэдийг хорих ялаа эдэлж дууссаны дараа албадан гаргадаг байна.

Шүүмжлэгчид тус шүүхийн шийдвэр нь Канад, Хятадын засгийн газар хоорондын харилцааг хурцатгах болно гэж үзэж байгаа бөгөөд Хятадыг Спавор, Ковриг хоёрыг “барьцаалж” улс төрийн наймаа хийхээр оролдож байна гэж буруутгаж байгаа юм.

2018 онд Хятадын технологийн аварга Huawei компанийн гүйцэтгэх захирал Мэн Ванжоуг Канадад баривчилснаас хэд хоногийн дараа Спарорыг баривчилж, тагнуул хийсэн хэрэгт буруутгасан юм. Түүнтэй хамт хэрэгт холбогдсон Майкл Ковригийн шүүх хурал гуравдугаар сард болсон боловч шүүхийн шийдвэр хараахан гараагүй байна.

Мягмар гарагт хар тамхи хууль бусаар хил давуулахаар оролдсон хэргээр яллагдан Канадын өөр нэг иргэн Хятадад цаазаар авах ялыг давж заалдаж заргаа алдсан юм.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet