Анхны тусламжийн сургагч багш бэлтгэх сургалтад хамрагдлаа

МУЗН, БНХАУ-ын Өвөр Монголын өөртөө засах орны (ӨМӨЗО) Улаан загалмайн байгууллагын хамтын ажиллагааны хүрээнд зохион байгуулсан “Анхны тусламжийн сургагч багш бэлтгэх сургалт”-д ОБЕГ-ын Урьдчилан сэргийлэх газрын мэргэжилтэн, ахмад Б.Отгон, нийслэлийн Аврах ангийн аврагч, ахлах ахлагч Б.Ганбаяр нар хамрагдлаа.

Энэ сарын 16-23-ны өдрүүдэд зохион байгуулсан тус сургалтад МУЗН, ОБЕГ, Улаанбаатар Төмөр зам, ХХЕГ, Гаалийн ерөнхий газар, Эрүүл мэндийн үндэсний төв, Тээврийн цагдаагийн алба, Замын хөдөлгөөний удирдлагын төв зэрэг байгууллагын 50 ажилтан, алба хаагч оролцсон байна.

Тус сургалт олон нийтийн анхны тусламжийн мэдлэг, чадварыг дээшлүүлэх зорилгоор хамтран ажилладаг байгууллага, аж ахуйн нэгжүүдийн ажилтнуудыг оролцуулдаг гэдгээрээ онцлог юм.