УЛААНБААТАР

Орон нутгийн хөгжлийн сангийн цахим санал асуулга явагдаж байна

Орон нутгийн хөгжлийн сангийн цахим санал асуулга Нийслэлийн 9 дүүргийн 171 хороонд SmartUB аппликэйшныг ашиглан явагдаж байна. Цахим санал асуулга нь 2021 оны дөрөвдүгээр сарын 1-ний өдрийг хүртэл үргэлжлэх бөгөөд нийслэлийн 18-аас дээш насны бүх иргэн хамрагдах боломжтой.

2020 онд Нийслэлд Орон нутгийн хөгжлийн сангаас 23 тэрбум төгрөг хуваарилсан бол 2021 онд 31.3 тэрбум төгрөг хуваарилсан байна.  Орон нутгийн хөгжлийн сан бол иргэн таны татварт төлсөн мөнгөнөөс таны амьдрах орчин нөхцөл, хороо дүүргийн тохижилт, үйлчилгээг сайжруулах зорилгоор орон нутагт нь буцаан, дахин хувиарлаж байгаа төсвийн хөрөнгө юм. Татварт төлсөн мөнгөө зөв, үр дүнтэй, амьдрах орчиноо ая тухтай болгоход зарцуулахад саналаа өгөх, хяналт тавих боломжыг энэ санал асуулга иргэн танд олгож байна.

Иймд иргэд та бүхэн ухаалаг утсандаа SmartUB аппликейшнээ татан авч Орон нутгийн хөгжлийн сан санал асуулга цэсийг сонгож цахим санал асуулгадаа идэвхтэй оролцохыг уриалж байна.

АМЬДРАХ ОРЧНОО ХАМТДАА САЙЖРУУЛЦГААЯ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet