ЗӨВЛӨМЖ: Менингококкт халдвараас сэргийлье

Бага насны хүүхдүүдийн дунд менингококкт халдвар бүртгэгдэж байгаа тул эцэг эхчүүд та бүхэн халдвараас урьдчилан сэргийлж, анхаарал болгоомжтой байхыг ХӨСҮТ-ийн Яаралтай тусламжийн тасгийн эмч Т.Мөнхзул зөвлөж байна.

Тэрбээр "Менингококкт халдвар нь ерөнхий халдварын шинжээр илрээд, арьсан дээр өвөрмөц тууралт гардаг нянгийн гаралтай амьсгалын замын замын хурц халдварт өвчин юм. Ихэнхдээ:

• Менингококкт халдвараар өвдсөн,
• Хамар залгиурын үрэвсэлтэй,
• Нян тээгч хүмүүс халдварыг дамжуулдаг.

Энэхүү халдвараар ихэвчлэн бага насны хүүхдүүд өвдөх боловч 5-аас доош насныхан илүү өвчилж байна. Халдварын нууц хугацаа дунджаар 6-7 хоног байдаг.

Менингококкт халдвар авсан тохиолдолд:

• Өндөр халуурах
• Хоолны дуршил буурах
• Дотор муухайрах
• Хэт мэдрэмтгий болох
• Цусархаг тууралт гарах шинж тэмдгүүд илэрдэг" гэв.