ХӨТӨЧ: Хүрэн баавгайтай таарвал яах вэ

БОУАӨЯ-ны Байгаль орчны улсын хяналтын газрын Амьтан, ургамлын хяналт хариуцсан Шинжээч, Улсын ахлах байцаагч Д.Сонин-Эрдэнэ ХҮРЭН БААВГАЙТАЙ ТААРСАН ТОХИОЛДОЛД АВАХ АРГА ХЭМЖЭЭНИЙ ЗӨВЛӨМЖ өглөө.

Хүрэн баавгайтай таарсан тохиолдолд 
- Тайван байж, аажмаар ухарч холд 
- Хамт яваа хүнээсээ салахгүй бай 
- Хүүхдийг хажуудаа ойрхон байлга 
- Баавгай таныг хараагүй бол саад болохгүй чимээгүй холд 
- Орон байр, эд зүйлд хэт ойртсон тохиолдолд чимээгүй орхи 
- Алсаас тайван дуугаар хүн гэдгээ мэдэгд

Баавгай аюул заналхийлсэн тохиолдолд 
- Ойртохгүй, аюулгүй зайд холд 
- Хамгаалах орон байр, аюулгүй газарт шилж
- Архирах зэрэг заналхийлбэл өөрийгөө хамгаал 
- Тайван байдлаар дуу чимээ гарга 
- Хүн гэдгээ мэдэгдэж үргээ  

Дайралтад өртсөн тохиолдолд 
- Үүссэн нөхцөлд тохируулж өөрийгөө хамгаал 
- Газар унавал нүүр, толгой, хүзүүгээ хамгаалж, доош харж хэвт 
- Зориудаар хөөж довтолбол эд зүйл ашиглан өөрийгөө хамгаал 
- Амь насанд аюул учирвал бүх хэлбэрээр өөрийгөө хамгаал  

Эрсдэлээс урьдчилан сэргийлэх хамгийн чухал 
- Баавгайтай бүс нутагт ганцаараа явахгүй байх 
- Ой, өтгөн ургамалтай газарт дуу чимээ гаргаж явах 
- Хоол хүнс, хог зэрэг үнэртэй зүйлийг ил задгай орхихгүй байх
- Бамбарууш болон үүр ичээнд ойртохгүй байх 
- Шаардлагатай хамгаалах хэрэгсэл авч явах  

Санамж: 
- Та байгалийн зочин гэдгээ сана 
- Зэрлэг амьтантай зэрэгцэн орших ёстойг ухамсарла
- Баавгай халдаагүй байхад зориуд агнавал хууль бус гэдгийг анхаар
- Тайван байдал, болгоомжлол таны амь насыг аварна.   

Мэдээлэл дамжуулах: 
- Баавгайтай таарсан байршлаа тодорхойл
- Өөрсдийн аюулгүй байдлыг ханга 
- Ойр орчмын иргэдэд мэдээлэл дамжуул 
- Харьяалах Байгаль орчны газар, Хамгаалалтын захиргаанд мэдэгд!

Эх сурвалж: БОУАӨЯ