ЭМЯ-наас мэдээлж байна: Хоёр хүн эдгэрч, халдвартай дахин нэг хүн бүртгэгдлээ

2020-05-04

ЭМЯ-наас коронавирусийн нөхцөл байдлын талаар мэдээлэл өглөө. Энэ үеэр ХӨСҮТ-ийн захирал Д.Нямхүү “Гуравдугаар сарын 26-нд эмчилгээнд орсон хоёр хүн эдгэрч, тусгаарлах байр руу шилжлээ. Ингэснээр эдгэрсэн хүний тоо 12 болж, ХӨСҮТ-д 28 хүн эмчлүүлж байна. Эмчлүүлж буй иргэдийн дунд халуунтай, хатгаатай хэд хэдэн хүн байна. Үүний дотор өндөр настан, элэгний хорт хавдартай хүн коронавирусийн халдвар авсан.

Тавдугаар сарын 3-нд Франкфуртын онгоцоор ирсэн 274 иргэнд шинжилгээ хийснээс 273 хүний хариу сөрөг, нэг иргэнээс халдвар илэрлээ” гэсэн юм.