ОРОН НУТАГ

СЭРЭМЖЛҮҮЛЭГ: Хөвсгөл нууран дээгүүр машинтайгаа зорчиж яваад мөс цөмөрч, нэг иргэн живжээ

Гэрэл зургийг MPA.mn

Гурван зорчигчтой машин Хөвсгөл нууранд живж нэг иргэн сураггүй болсон харамсалтай хэрэг гарчээ. 

Тодруулбал, Хөвсгөл аймгийн Рэнчинлхүмбэ сумын Далайн зах баг, Сантын даваа гэдэг газар Хөвсгөл нууран дээгүүр “УАЗ-3303” загварын автомашин зорчиж яваад 01.03-ны өдрийн 19:30 цагийн орчим мөс цөмөрч, тус нууранд живсэн байна. 

Энэ тухай дуудлага мэдээлэл энэ сарын 3-ны 21.30 цагт Онцгой байдлын албанд иржээ. Дуудлагын дагуу албаныхан очиход “УАЗ-3303” загварын автомашины жолооч 52 настай эрэгтэй Э, Рэнчинлхүмбэ сумын харьяат 16 настай зорчигч Т нар автомашинаас эсэн мэнд гарч, 49 настай зорчигч Э тус нууранд живж, сураггүй болсон тул эрэн хайх ажиллагааг эхлүүлээд байгаа аж.

Эх сурвалж: ОБЕГ

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet