Эрдэнэт: 
USD | 3523.93
EUR | 3813.24
CNY | 511.76
RUB | 46.03
JPY | 26.87
KRW | 2.71
Бичлэг: Энэтхэгт гүүр нурсны улмаас амиа алдагсдын тоо 141-д хүрч, олон хүн сураггүй алга болжээ
Энэтхэгийн баруун хэсгийн Гужарат мужид явган хүний дүүжин гүүр нурсны улмаас 141 хүн амиа алджээ. Амиа алдсан хүмүүсийн дийлэнх нь эмэгтэйчүүд, хүүхэд, өндөр настнууд байсан гэж орон нутгийн албаны хүн мэдэгдэв.
Ням гарагт Энэтхэгийн цагаар 18:40 цагийн үед гүүр нурсан бөгөөд шашны Дивали баяртай холбоотойгоор осол гарах үед гүүрэн дээр олон зуун хүн байсан гэж мэдээлж байна.
Маччу голын дээгүүр 230 метр урттай уг гүүрийг 19-р зуунд Британийн колоничлолын үед барьж байсан ба ердөө долоо хоногийн өмнө засварын дараа дахин нээгээд байсан аж.
Цагдаа, цэрэг, гамшгаас хамгаалах баг аврах ажиллагааг зохион байгуулж, 177 гаруй хүнийг аварсан боловч амиа алдагсдын тоо цаашид нэмэгдэх төлөвтэй байна.
Гужарат нь Энэтхэгийн Ерөнхий сайд Нарендра Модигийн төрсөн муж бөгөөд тэрээр эмгэнэлт явдалд харамсаж байгаагаа илэрхийлээд, амь үрэгдэгсдийн ар гэрийнхэнд нөхөн төлбөр олгохоо мэдэгджээ.
Эрх баригчид гүүрийг дахин нээхээс өмнө аюулгүй байдлын шалгалт хийсэн эсэхийг шалгахаа амласан байна.
Эх сурвалж: BBC
Хариулах