ИРГЭНИЙ ӨНЦӨГ

Ядуугийн зовлонг ядуу нь ойлгоно …

Ховд аймгийн Засаг даргаар томилогдохоор зэхэж буй Э.Болормаа гэх эмэгтэйг янз бүрээр бичиж байна. Тэр тусмаа түүний Хөрөнгө орлогын мэдүүлгийн талаар атаархангуй пост давалгаалах аж. Миний хувьд ядуугийнхаа зовлонг ойлгож байна,аа. Яагаад гэхээр ядуугийн зовлонг ядуу нь ойлгодог ш дээ. Уг нь дотоодын Хадгаламж банкинд 164 сая төгрөг, гадаадын Хадгаламж банкинд 510 сая төгрөгийн хадгаламжтай, 2.1 тэрбум төгрөгийн өртөг бүхий орон сууц, 30 сая төгрөгийн үнэт эдлэлтэй, 20 сая төгрөгийн авлагатай, 1.1 тэрбум төгрөгийн зээлтэй 30 настай эмэгтэй аж. Байх л зүйл.

Гадаад дотоодод өндөр боловсрол эзэмшиж, Дэлхийн банк, Ногоон уур амьсгалын сан, Азийн дэд бүтцийн хөрөнгө оруулалтын банк зэрэг олон улсын байгууллагад ажиллаж байсан хүнд бол энэ зэргийн хөрөнгө байлгүй яах юм.

Бид ямар гадны байгууллагад ажиллаж олон мянган ам.доллараар цалинжиж, ахуй хангамж авч үзсэн биш. Мань мэт нь өдгөө нэр мөр нь баларсан нэг хувийн сургууль төгссөн, түүнийхээ хэмжээнд ажиллаж, тэр хэрээр л орлого олдог.

Хэн нэгэнд атаархаж буруутгах зүйл алга, зураад өгчихсөн замаараа л амьдарч явна.

Тэгээд ч Хөгжлийн банкны луйварчин захирал аснууд л нэг сарын 10 сая төгрөгийн цалин авдаг ш дээ. Эрдэнэтийн уулын баяжуулах үйлдвэрийн орлогч захирлууд нэг сарын 10 мянган еврогоор цалинжиж, улирлын урамшуулал гэж зургаан мянган евро авахаас гадна бусад зардал авдаг. “Монголын цахилгаан холбоо”, “МИАТ”, ХАА-н бирж, “Эрдэнэс Монгол”-ын Гүйцэтгэх захирлууд 6-12 сая төгрөгийн цалин авдаг байна.

Тэгэхээр дэлхийд алдартай олон улсын байгууллагад ажиллаж байсан хүнд энэ бол байх л Хөрөнгө орлогын мэдүүлэг.

Тэгээд ч банкинд 1.1 тэрбум төгрөгийн зээлтэй залуу хүн 2.1 тэрбум төгрөгийн үнэтэй орон сууцанд амьдарч таарна. Олон улсын байгууллага дамжин ажилласан хүнд төдий зэргийн хадгаламж байж, нааш цааш хөдөлдөг байж таарна.

Бодоход Э.Болормааг том төсөл болох Эрдэнэбүрэнгийн усан цахилгаан станцыг бараадуулан, Ховдод томилж байгаа эрх баригчдын санаа байх. Буруутгах аргагүй. Үнэн хэрэгтээ Ховдын Засаг дарга асан Б.Дүгэржав тэр төслийг ойлгохгүй, нэг багийн хэмжээний статустай, нэг л “эх оронч” хүн гэдэгтэй олон хүн санал нийлнэ. Ядуугийн зовлонг ядуу нь ойлгоно,оо. Гэхдээ наад цаадхийг харна,аа. Харин тэр аймаг орон нутаг удирдах туршлага энэ тэр нь хаашаа юм байдаг юм бол….

via Ууганбаяр Санзайгалсан

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet