Хойд Солонгос тактикийн баллистик пуужин туршжээ

Гэрэл зургийг REUTERS агентлагийн эрхтэйгээр нийтлэв.

Хойд Солонгос аравдугаар сарын 12-нд тактикийн баллистик пуужин туршсан талаар тус улсын төрийн мэдээллийн KCNA агентлаг мэдээлжээ.

Туршилтаар пуужингийн үндсэн чухал бүрэлдэхүүн хэсгийн техникийн шинэчлэл амжилттай болсныг баталгаажуулсан боловч нарийвчилсан мэдээлэл өгөөгүй байна.

Өмнөд Солонгосын арми мөн өдөр Хойд Солонгосын талаас зүүн тэнгис рүү хэд хэдэн баллистик пуужин харвасныг мэдээлсэн бөгөөд тэдгээрийн нэг нь 900 гаруй километр нисжээ.

Энэ нь Хойд Солонгосын нэг сарын хугацаанд хийсэн дөрөв дэх пуужингийн туршилт юм. Туршилтууд нь Солонгосын хойг дахь цэргийн хурцадмал байдал нэмэгдэж буй үед боллоо.