Үнэт эдлэлийн салбарт шинэ өнгө нэмсэн “UB Jewelry Center” нээлтээ хийлээ

Үнэт эдлэлийн салбарт шинэ өнгө төрх, үйлчилгэний соёлыг нэвтрүүлэх зорилготой “UB Jewelry Center” албан ёсоор үйл ажиллагаагаа эхлүүллээ.

Тус төв нь олон улсын чанарын стандарт, сорьцын баталгаатай үнэт эдлэлийг хэрэглэгчдэд хүргэхийн зэрэгцээ орчин үеийн минимал хэв маяг болон үндэсний уламжлалт хийц, загварыг хослуулсан гар урлалын бүтээлүүдийг санал болгож байгаагаараа онцлог юм.

Нээлтийн үеэр “UB Jewelry Center”-ийн гүйцэтгэх захирал З.Амгаланбаатар үнэт эдлэл нь хүний амьдралын үнэ цэнтэй мөчүүдийг илэрхийлдэг учраас бүтээгдэхүүний чанар, хэрэглэгчийн тав тухад онцгой анхаарч ажилласнаа онцоллоо.

Тэрбээр мөн төвийн дотоод орчин, үйлчилгээний хэсэг бүрийг хэрэглэгчдэд тав тухтай, дулаан мэдрэмж төрүүлэхээр төлөвлөж, үнэт эдлэл сонгох үйл явцыг илүү таатай болгохыг зорьсон гэдгийг хэлсэн юм.

Нээлтийн хүрээнд “UB Jewelry Center” хэрэглэгчдийнхээ дунд нэг сарын хугацаанд 999 сорьцтой алтан аяганы сугалаат худалдаа зохион байгуулахаар болжээ. Мөн нээлтийн өдөр хүрэлцэн ирсэн эхний 100 үйлчлүүлэгчид гарын бэлэг гардуулсан байна.

Түүнчлэн тус төвд үйл ажиллагаа явуулж буй түрээслэгч байгууллага, аж ахуйн нэгжүүдэд зориулан түрээсийн уян хатан бодлого хэрэгжүүлж байгаа аж.

Ийнхүү хэрэглэгчид саруулхан, дулаан, тав тухтай орчинд өөртөө болон хайртай дотны хүндээ зориулан насан туршийн дурсамж, үнэ цэнийг илэрхийлэх үнэт эдлэлээ сонгох боломжтой болж байна.

“UB Jewelry Center” нь Улаанбаатар хотын Урт цагаан, Жуулчны гудамжинд байрлаж байна.

ФОТО