“Feminine-2026” тоглолтоор гурван үеийн эмэгтэй уран бүтээлчид нэг тайзнаа нэгдэнэ

Гурван үеийн төлөөлөл болсон эмэгтэй уран бүтээлчид нэгэн үдэш нэг тайзнаа нэгдэж, эмэгтэйлэг эрч хүч, уран бүтээлээр дүүрэн үдшийг үзэгч, сонсогчдодоо хүргэх гэж байна.

“FEMININE 2026” тоглолт есдүгээр сарын 12-нд Төв цэнгэлдэх хүрээлэнд болох юм.

Гэрэл зургийг MPA.mn

Тус тоглолтод МУАЖ Т.Ариунаа, Номинжин буюу Nomi Gene, Г.Эрдэнэчимэгээс гадна GALA, EXTACY, Honeymoon, The Wasabies хамтлагийн уран бүтээлчид оролцоно.

Эмэгтэй уран бүтээлчид зөвхөн урлаг, хөгжмөөрөө дамжуулан үзэгчдэдээ хүрэхээс гадна нийгмийн сайн үйлсийн төлөө нэгдэж буйгаа онцоллоо. Тодруулбал, Монгол Улсад цорын ганц байгаа ургийн гажгийг эрт оношлох аппаратыг авахад хувь нэмэр оруулах зорилгын дор энэхүү тоглолтыг зохион байгуулж байна.

Мөн “FEMININE 2026” тоглолтыг зорин ирэх охид, бүсгүйчүүдийг ягаан өнгийн хувцас өмсөж, тоглолтын өнгө төрх, уур амьсгалд нэгдэхийг уриаллаа.