ОХУ, АНУ-ын төлөөлөгчид таван цаг хэлэлцсэн ч Украины асуудлаар тохиролцоонд хүрсэнгүй

Гэрэл зургийг REUTERS агентлагийн онцгой эрхтэйгээр нийтлэв.

ОХУ болон АНУ төлөөлөгчид уулзаж Украйны дайныг зогсоох энхийн хэлэлцээрийн талаар хэлэлцсэн ч тохиролцоонд хүрч чадаагүйг Кремль мэдэгдэв. Оросын Ерөнхийлөгч Владимир Путин АНУ-ын тусгай төлөөлөгч Стив Уиткофф болон Жаред Кушнер нартай уулзсан байна. 

Кремлийн гадаад бодлогын зөвлөх Юрий Ушаковын хэлснээр, гол маргаан болох газар нутгийн асуудлаар талууд өөр өөр байр суурьтай хэвээр байна. Мөн Ерөнхийлөгч Путин АНУ-ын зарим саналд эрс байр суурь илэрхийлсэн аж.
Харин Ерөнхийлөгч Володимир Зеленский эл уулзалтын тухаы Украины ард түмний оролцоогүй хэлэлцээ байх ёсгүй гэж мэдэгдлээ.

Эх сурвалж: Reuters