Хөвсгөлийн Мөрөн рүү VIP автобус үйлчилж эхэлнэ

Иргэдэд ая тухтай, хүртээмжтэй үйлчилгээг хүргэх, хот хоорондын зорчигч тээврийн үйлчилгээг сайжруулах зорилгоор “Нөхөрлөл зам” ХХК-иас 28 хүний суудалтай, хагас унтлагын VIP автобусаар “Улаанбаатар хотоос Хөвсгөл аймгийн Мөрөн” чиглэлд наймдугаар сарын 10-ны өдрөөс иргэдэд үйлчлэхэд бэлэн боллоо хэмээн Авто тээврийн үндэсний төвөөс мэдээллээ. 

Хөвсгөл аймгаас долоо хоног бүрийн Пүрэв гарагт 21:10

Улаанбаатар хотоос долоо хоног бүрийн Ням гарагт 21:10 цагаас хөдөлнө. 

VIP автобусны онцлог: 

-Суудал нь 45 градус налах түшлэгтэй

-Хөл амраагчтай

-Зорчигч бүрийн суудал дээр дулаан хөнжил

-Суудал бүрт гар утасны цэцэглэгч

-24 цагийн сүлжээ буюу starlink сансрын интернэттэй бөгөөд зорчигчдод үнэ төлбөргүй халуун хүйтэн ус, кофегоор үйлчлэх зэрэг олон давуу талтай юм.

Үнэ: Том хүн 108 мянга, хүүхэд 54 мянган төгрөг.