АНУ: Мексикийн хил дагуух 110,000 акр газрыг армид шилжүүллээ

АНУ-ын Дотоод хэргийн яамнаас мэдээлснээр, Дональд Трамп хууль бус цагаачлалтай тэмцэхээр Мексиктэй хил залгаа 110,000 акр  газрыг армийн мэдэлд шилжүүлжээ.

Ингэснээр Нью-Мексико мужийн Хидальго, Луна, Дона Ана тойргууд дахь энэ газрыг гурван жилийн хугацаатайгаар АНУ-ын арми хянаж, хар тамхи болон хүн худалдаалах, цагаачид  хууль бусаар нэвтрэхтэй тэмцэх юм.

Түүнчлэн цэргийн мэдэлд шилжүүлсэн газрын зарим хэсэг нь мал аж ахуй, уул уурхайн хувьд чухал ач холбогдолтой тул хамтын ашиглалтыг орон нутгийн иргэдтэй зөвшилцөн шийдэхээр ажиллана гэлээ.
Трамп 2019 онд мөн хил хамгаалах хүрээнд 560 акр газрыг армийн  мэдэлд шилжүүлж, хууль бус цагаачлалаас сэргийлэх хана барих ажлыг эхлүүлж байсан билээ.

Эх сурвалж: Reuters