ГЕГ: Экспортод 15783.4 сая ам.долларын бараа, түүхий эд гаргажээ

Гэрэл зургийг MPA.mn

Экспортод 15783.4 сая ам.долларын бараа, түүхий эд гаргасан нь өнгөрсөн оны мөн үетэй харьцуулахад 3.9 хувиар өссөн байна. 
Экспортод нийлүүлсэн барааны 99.1 хувийг валютын төлбөртэй худалдаа эзэлж байна.

Эрдэс бүтээгдэхүүнийн экспорт 624.2 сая ам.доллар буюу 4.7 хувиар; сувд, үнэт ба хагас үнэт чулуу, үнэт металл, гоёлын зүйлс, зоосны экспорт 150.5 сая ам.доллараар буюу 19.7 хувиар дахин тус тус өсчээ.

2024 оны эхний 12 сард боловсруулаагүй нефтийн экспорт 4074.1 мянган баррель буюу 322.1 сая ам.долларт хүрч, өнгөрсөн оны мөн үеийн гүйцэтгэлээс 656.3 мянган баррелиар, үнийн дүнгээр 42.6 сая ам.доллараар тус тус буурсан байна. 1 баррель нефтийн дундаж үнэ 77.1 ам доллараас 79.1 ам.доллар болж өсчээ.
Монгол улс дэлхийн 80 оронд бараа экспортлосноос  БНХАУ-д  91.3 хувь, Швейцар-т 4.7 хувь, АНУ-д 1.1 хувь тус тус ногдож нийт экспортын  97.0 хувийг дээрх орнууд эзэлж байна.