ДЭЛХИЙН МЭДЭЭ

Иранд усны хомсдлоос болж иргэд нь гудамжинд жагсаж байна

Ираны баруун өмнөд хэсэгт орших Хузестан мужийн аюулгүй байдлын хүчнийхэн усны хомсдлоос болж жагсаал хийж буй иргэд рүү гал нээсэн байна. Долоо хоногийн өмнө эхэлсэн жагсагчид болон аюулгүй хүчнийхний хоорондох мөргөлдөөний улмаас хэд, хэдэн хүн амиа алдсан тухай сэтгүүлчид мэдээлжээ. Ираны засгийн газар зарим бүс нутагт интернэтийг хааж, жагсагчдыг баривчилж эхэлсэн байна.

Тус улсын агаарын хэм зуны улиралд Цельсийн 50 градуст хүрдэг бөгөөд хамгийн халуун энэ бүс нутагт усны хомсдол үүсжээ.

Гэвч эсэргүүцлийн жагсаал нь сүүлдээ засгийн газар болон улсын дээд удирдагчийг эсэргүүцсэн жагсаал болж, янз бүрийн хотуудад тархжээ.

“Засгийн газар өөр бүсүүд рүү ус дамжуулахын тулд тус бүс нутагт олон далангууд байгуулсан нь ган гачиг болоход хүргэсэн. Хузестан өмнө нь үржил шимтэй газартай байсан бол одоо аймшигтай нөхцөл байдалтай байна. Газар нутгийн ихэнх хэсэг хатаж, үлдсэн ус нь бохирдолтой болсон. Иранд одоогоор усны асуудал цорын ганц асуудал биш. Долоо хоног бүр цахилгааны хомсдол, бага цалин, ажлын нөхцөл зэргийг эсэргүүцсэн олон арван жагсаал улс даяар болж байна. Иранчууд бухимдалтай байгаа. Зургадугаар сард болсон Ерөнхийлөгчийн сонгууль хамгийн бага ирцтэй байсан. Ерөнхийлөгч наймдугаар сард ажлаа авах бөгөөд Ираны залуу үеийнхнийг тайвшруулах шаардлагатай нүүр тулж байна. Залуучуудын ажилгүйдэл 25 хувьтай байгаа” гэж BBC Persian-ийн Рана Рахимпур тайлбарлав.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet