Хүйтэн өдөр малгайгаа заавал өмсөөрэй

Гэрэл зургийг MPA.mn

Хүйтний эрч чанга байгаа эдгээр өдрүүдэд малгайгаа өмсөж, дулаан хувцаслахыг эрүүл мэндийн байгууллагаас танд зөвлөж байна. Учир нь насанд хүрсэн хүн биеийн дулааны гуравны нэг хувийг толгой хэсгээрээ алддаг бол бага насны хүүхдүүд биеийн дулааны гуравны хоёр хэсгийг алддаг аж.

Хүний уураг тархинд нэг минутад ойролцоогоор 750 мл (зүрхнээс тархи руу урсах цусны 15%) цус урсан тэжээлээр хангадаг бол хүйтний улиралд даарах тохиолдолд биеийн дулаанаа алдаж, улмаар гүрээний судас нарийсаж цусны урсгалын хурд удааширснаар тархины цусан хангамж мууддаг гэнэ.

Ингэснээр дараах эрүүл мэндийн сөрөг нөлөөг үзүүлдэг байна.

· Архаг өвчин сэдрэх
· Тархиар хатгуулж өвдөх
· Хараа, сонсгол муудах
· Нулимс гоождог болох
· Нойр муудах
· Мэдрэлийн суурь өвчин үүсэх
· Ой тогтоолт муудах
· Стресст өртөж, ажлын чадвар буурах
· Хуйхны эрүүл орчин алдагдах
· Үс хуурайшиж, өнгөө алдах.