Live
БОЛОВСРОЛ

“Консерваторийн хашаан дотор барьсан хашааг хоёр хоногт багтаан буулгахгүй бол бид өөрсдөө буулгана”

Монгол Улсын Консерваторийн багш, эсэргүүцлийн хөдөлгөөний (МУК-ийн хашаанд БҮТ-ийн барилга барих ажлыг зөвшөөрөхгүй байгаа) ерөнхий зохицуулагч нар БСШУС-ын байнгын хорооны дарга Ж.Мөнхбатад ХҮСЭЛТ хүргүүллээ. Хүсэлтийг нарийн бичиг нь хүлээн авч, асуудлыг хуулийн 30 хоногт шийдвэрлэж өгнө гэв.

Ерөнхий зохицуулагч Д.Ганпүрэв: Гэрээг яаралтай цуцал

-Аливаа гэрээг нэг, хоёр өдөрт зурчихдаггүй. Газраа судална, газартаа зориулж зураг гаргах учиртай. Ингээд албан ёсоор баталгаажуулна. Гэтэл өнөөдрийн маргаан зураггүй эхэлсэн. Энэ нь ч ойлголтын зөрүү их гаргаж байна. МУК-ийн захирлын үүрэг гүйцэтгэгч Ц.Пүрэвхүү асуудалд нааштай хандаж эхэлсэн учраас Түр хорооны зүгээс шаардах бичиг мөн өгсөн.

Шаардлагад:

-Гэрээг яаралтай цуцал,

-Цацалсан бичгийг Түр хороонд танилцуул,

-МУК-ийн хашаанд барьсан хашаагаа хоёр хоногт багтаан буулга гэсэн. Хашааг буулгахгүй бол ирэх бүтэн сайн өдөр буюу энэ сарын 11-ний 15.00 цагт бид өөрсдөө буулгах болно гэж мэдэгдсэн гэсэн юм.

МУК-ийн Түр хорооны ерөнхий зохицуулагчид.

Ташрамд, Консерваторийн хашаанд БҮТ-ийн барилга барих ажлыг эсэргүүцэж багш, ажилтан, оюутан, эцэг эх нийлсэн 800 хүн гарын үсэг зуржээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet