ДЭЛХИЙН МЭДЭЭ

Токио 2020: Паралимпын тамирчин хоцорсныхоо төлөө алтан медалиа хураалгалаа

Малайзын Буудлагын тамирчин Мухаммед Зияд Золкефли F20 ангилалд алтан медаль хүртсэний дараа тэмцээнд гурван минут хоцорч ирсэн шалтгаанаар медалийг хүчингүй болгосон юм. Малайзын тал уг шийдвэрийг эсэргүүцэж гомдол гаргасан боловч Олон улсын паралимпын хороо (IPC) медалийг хураах шийдвэрийг хэвээр үлдээжээ.

IPC-ийн мэдээлснээр тухайн үед Зияд Золкефли зайлшгүй шалтгааны улмаас хоцорсон гэж тайлбарласан тул тэмцээнд оролцохыг зөвшөөрсөн. Харин дараа нь шүүгч түүнийг хоцрох “үндэслэлтэй шалтгаан” байхгүй болохыг олж мэдсэн байна.

Тамирчны медалийг хураах шийдвэр олон нийтийн сүлжээнд, тухайлбал малайзчуудын дургүйцлийг хүргэжээ.

Малайзын парламентын гишүүн Фахми Фадзил “Үнэхээр гутамшигтай! Тамирчид хоцорсон бол тэмцээнд оролцуулах ёсгүй байсан. Зиядын шаргуу хөдөлмөрлөж олсон, дэлхийн дээд амжилтыг эвдсэн энэ медалийг бүү хулгайл” гэж сэтгэгдлээ илэрхийлэв.

Түүнчлэн Малайзын Залуучууд болон спортын яамны сайд Ахмад Файзул Азуму улсынхаа Үндэсний спортын зөвлөлд шалгалт хийх үүрэг өгсөн бөгөөд Зиад Золкефлигийн медалийг хураах шийдвэрт сэтгэл дундуур байгаагаа мэдэгдэв.

Олон нийтийн мэдээллийн хэрэгслээр #Ziyad хэштаг шуугиан тарьж, Золкефлигийн дараа алтан медаль хүртсэн Украины тамирчин Максим Ковалыг эсэргүүцсэн сэтгэгдлүүд хөвөрч байна.

Бухимдсан олон нийтэд хандан IPC-ийн хэвлэлийн төлөөлөгч Крейг Спенс “Уучлаарай. Дүрэм бол дүрэм. Шийдвэр гарсан. Малайз тамирчин хоцорсон нь украинчуудын буруу биш” гэж Associated Press-ийн ярилцлагад дурджээ.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet