Өвлийн Идэш өргөтгөсөн худалдаанд  нийт 11 аймгийн 37 хоршоологч, 99 малчин оролцлоо

Шинэ хоршоо салбар дундын уялдаа холбоог хангах Үндэсний хорооны дарга, Шадар сайд С.Амарсайханы санаачилгаар Улаанбаатар хотын хүн амын өвлийн улирлын хүнсний хэрэгцээнд зориулсан махны хангамжийн тогтвортой байдлыг хадгалах, орон нутгийн малчид хоршоологчдын малын махыг дундын зуучлалгүйгээр хэрэглэгчдэд шууд хүргэх зорилгоор “ХОРШООЛОГЧДООС-ХОТЫНХОНДОО” уриан дор Өвлийн идэш арга хэмжээг 2024 оны 12 дугаар сарын 12-21 ны өдрүүдэд амжилттай зохион байгууллаа. 

“ХОРШООЛОГЧДООС-ХОТЫНХОНДОО” Өвлийн Идэш өргөтгөсөн худалдаанд  нийт 11 аймгийн 37 хоршоологчид, 99 малчин оролцсон байна.

Малчид хоршоологчид 10 өдрийн хугацаанд 443.1тонн мах, 5.4 тонн гахайн мах, 35.1 тонн цагаан идээ, 10.7 тонн жимс, жимсгэнэ  борлуулж, нийт 12.2 тэрбум төгрөгийн ашигтай ажилласан гэж Шадар сайдын хэвлэлийн албанаас мэдээллээ.