Украины хүчин өнгөрсөн долоо хоногт 15 хавтгай дөрвөлжин километр талбайг чөлөөлжээ

Өнгөрсөн долоо хоногт Украины арми зүүн болон өмнөд хэсэгт 15 хавтгай дөрвөлжин километр газрыг Оросын цэргүүдээс чөлөөлснийг батлан хамгаалахын өндөр албан тушаалтан даваа гарагт мэдэгдэв.

Өнгөрсөн сарын эхээр Оросын армийн эсрэг томоохон довтолгоо эхлүүлснээс хойш Киевийн цэргүүд өмнөд хэсэгт нийт 204.7 кв.км талбайг эргүүлэн авсан болохыг Батлан хамгаалахын дэд сайд Ханна Малиар “Telegram”-аар мэдэгдэв.

Украины албаныхны хэлснээр сөрөг довтолгоо удаан боловч тогтвортой ахиц дэвшил гаргаж, хэд хэдэн тосгоныг эргүүлэн авсан бөгөөд олон сар үргэлжилсэн тулалдааны дараа Оросын армийн тавдугаар сард эзлэн авсан зүүн Бахмут хотын жигүүрээр урагшилсаар байна.

Өнгөрсөн долоо хоногт Киев зүүнээс өмнө зүг рүү чиглэсэн Оросын хуурай замын гүүр болон Хар тэнгис дэх эзлэгдсэн Крымийн хойгийг таслахын тулд зүүн өмнөд хэсэгт орших Старомайорск тосгоныг чөлөөлснөө мэдэгдсэн.

Малиарын хэлснээр Киевийн цэргүүд өнгөрсөн долоо хоногт Бахмутад 2 хавтгай дөрвөлжин километр талбайг эргүүлэн авч, сөрөг довтолгоо эхэлснээс хойш Бахмут орчимд эргүүлэн авсан газар нутгийн хэмжээ 37 хавтгай дөрвөлжин километрт хүрчээ.

Киевийн цэргүүд өмнөд хэсэгт Бердянск, Мелитополь руу давшихаар оролдож байгаа ба өнгөрсөн долоо хоногт тэнд 12.6 хавтгай дөрвөлжин километрт талбайг эргүүлэн авсан байна.

Оросын цэргүүд Купянск, Лиман хоёрын ойролцоогоор хойд фронт руу довтлох гэж оролдсон боловч нэвтэрч чадаагүй болохыг Малиар хэлэв.

Эх сурвалж: Reuters