БНСУ-д өдөрт шинээр илэрсэн халдварын тохиолдлын тоо сүүлийн найман хоног дараалан 2000 даваад буй энэ үед бүх нийтийн амралтын өдрүүдийн дараа халдварын тархалт дахин нэмэгдэж болзошгүй тул эрүүл мэндийн байгууллагын мэргэжилтнүүд сонор сэрэмжтэй ажиллаж байна.

Солонгосын Өвчинд хяналт тавих, урьдчилан сэргийлэх төвийн мэдээлснээр, улсын хэмжээнд сүүлийн 24 цагийн хугацаанд халдварын 2086 тохиолдол шинээр илэрснээс 2058 нь дотоодод халдварлажээ. Ингэснээр халдварын нийт тохиолдлын тоо 318 105-д хүрсэн байна.

Энэ нь баасан гарагт 2248, пүрэв гарагт 2468 хүнээс халдвар илэрсэнтэй харьцуулахад буурсан үзүүлэлт болсон ч амралтын өдрүүдэд цөөн шинжилгээ хийдэг. Ийнхүү өдөрт шинээр бүртгэгдсэн халдварын тохиолдлын тоо есдүгээр сарын 26-наас хойш 2000 даваад байна.

Мөн бямба гарагт 1755 хүн бүрэн эдгэрснээр нийт эдгэрсэн хүний тоо 278 847-д хүрсэн бол халдварын улмаас гурван хүн нас барснаар ийм тохиолдлын нийт тоо 2507 болжээ.

Цар тахлын дөрөв дэх давлагаа дэгдээд буй БНСУ-д өдөрт илэрсэн халдварын тохиолдлын тоо сүүлийн гурван сар орчмын турш 1000 даваад байсан ч өнгөрсөн сард болсон Ургацын баярын дараа халдварын үзүүлэлтүүд дахин эрс нэмэгдэх болоод байгаа юм.

Мөн 10 дугаар сарын 3-нд улс байгуулагдсан өдөр, 10 дугаар сарын 9-нд Хангыль үсгийн баяр тохиож, тус тус гурван хоног дараалан амрах тул халдварын тохиолдлын тоо дахин нэмэгдэж болзошгүйд эрүүл мэндийн байгууллагын мэргэжилтнүүд ихээхэн санаа зовниж байна.

БНСУ-ын эрх баригчид үүнтэй холбоотойгоор хүн хоорондын зай барих хатуу журмын хэрэгжих хугацааг хоёр долоо хоногоор сунгах шийдвэрийг баасан гарагт гаргасан юм. Улсын нийт хүн амын тэн хагас нь оршин суудаг Сөүл хотын бүсэд долоодугаар сарын 12-ноос хойш зай барих дөрөвдүгээр түвшний журмыг баримталж байна.

Солонгосын өвчинд хяналт тавих, урьдчилан сэргийлэх төвийн мэдээлснээр, БНСУ-д өнөөдрийн байдлаар 39.6 сая хүн буюу хүн амын 77.3 хувь нь вакцины эхний тунг хийлгэсэн бол 26.6 сая хүн /52.5 хувь/ вакцинд бүрэн хамрагджээ.

БНСУ-д өдөрт шинээр илэрсэн халдварын тохиолдлын тоо сүүлийн найман хоног дараалан 2000 даваад буй энэ үед бүх нийтийн амралтын өдрүүдийн дараа халдварын тархалт дахин нэмэгдэж болзошгүй тул эрүүл мэндийн байгууллагын мэргэжилтнүүд сонор сэрэмжтэй ажиллаж байна.

Солонгосын Өвчинд хяналт тавих, урьдчилан сэргийлэх төвийн мэдээлснээр, улсын хэмжээнд сүүлийн 24 цагийн хугацаанд халдварын 2086 тохиолдол шинээр илэрснээс 2058 нь дотоодод халдварлажээ. Ингэснээр халдварын нийт тохиолдлын тоо 318 105-д хүрсэн байна.

Энэ нь баасан гарагт 2248, пүрэв гарагт 2468 хүнээс халдвар илэрсэнтэй харьцуулахад буурсан үзүүлэлт болсон ч амралтын өдрүүдэд цөөн шинжилгээ хийдэг. Ийнхүү өдөрт шинээр бүртгэгдсэн халдварын тохиолдлын тоо есдүгээр сарын 26-наас хойш 2000 даваад байна.

Мөн бямба гарагт 1755 хүн бүрэн эдгэрснээр нийт эдгэрсэн хүний тоо 278 847-д хүрсэн бол халдварын улмаас гурван хүн нас барснаар ийм тохиолдлын нийт тоо 2507 болжээ.

Цар тахлын дөрөв дэх давлагаа дэгдээд буй БНСУ-д өдөрт илэрсэн халдварын тохиолдлын тоо сүүлийн гурван сар орчмын турш 1000 даваад байсан ч өнгөрсөн сард болсон Ургацын баярын дараа халдварын үзүүлэлтүүд дахин эрс нэмэгдэх болоод байгаа юм.

Мөн 10 дугаар сарын 3-нд улс байгуулагдсан өдөр, 10 дугаар сарын 9-нд Хангыль үсгийн баяр тохиож, тус тус гурван хоног дараалан амрах тул халдварын тохиолдлын тоо дахин нэмэгдэж болзошгүйд эрүүл мэндийн байгууллагын мэргэжилтнүүд ихээхэн санаа зовниж байна.

БНСУ-ын эрх баригчид үүнтэй холбоотойгоор хүн хоорондын зай барих хатуу журмын хэрэгжих хугацааг хоёр долоо хоногоор сунгах шийдвэрийг баасан гарагт гаргасан юм. Улсын нийт хүн амын тэн хагас нь оршин суудаг Сөүл хотын бүсэд долоодугаар сарын 12-ноос хойш зай барих дөрөвдүгээр түвшний журмыг баримталж байна.

Солонгосын өвчинд хяналт тавих, урьдчилан сэргийлэх төвийн мэдээлснээр, БНСУ-д өнөөдрийн байдлаар 39.6 сая хүн буюу хүн амын 77.3 хувь нь вакцины эхний тунг хийлгэсэн бол 26.6 сая хүн /52.5 хувь/ вакцинд бүрэн хамрагджээ.