Н.СУГАР: Нэмэлт тунд хамрагдсан иргэдийн нэг орчим хувь нь коронавирусийн халдвар авсан

Нийслэлийн Онцгой комиссоос коронавирусийн халдварын нөхцөл байдлын талаар мэдээлэл өглөө.

Энэ үеэр НЗДТГ-ын хэвлэлийн төлөөлөгч Н.Сугар “Гуравдугаар тунд хамрагдалт хангалтгүй байна. Нийслэлийн иргэдийн 70 гаруй хувь нь вакцины хоёрдугаар тунд хамрагдсан. Харин нэмэлт тунд хүн амын 11 хувь нь хамрагдаад байна. Үүний шалтгаан нь гуравдугаар тунг тариулсан хүмүүс халдвар аваад байна гэх мэдээлэл нийгэмд гарсантай холбоотой. Нэмэлт тунд хамрагдсан иргэдийн нэг орчим хувь нь халдвар авсан. Энэ бол халдвар авах эрсдэлийг эрс багасгаж буй явдал юм. Тийм учраас халдвар авна гэх айдасгүйгээр нэмэлт тунд хамрагдахыг уриалж байна” гэв.