ДЭЛХИЙН МЭДЭЭ

Жо Байден Украиныг дэмжихээ илэрхийлэв

АНУ-ын Ерөнхийлөгч Жо Байден Украины Төрийн тэргүүн Владимир Зеленскийтэй утсаар ярилцжээ. Украины тусгаар тогтнол, газар нутгийн бүрэн бүтэн байдлыг дэмжихээ Жо Байден илэрхийлсэн байна. Тэрбээр мөн Донбасс, Крымийн асуудлаар Киевийн байр суурийг дэмжиж буйгаа мэдэгдэв.

Үүний сацуу авлигатай тэмцэх, ардчилсан үнэт зүйлд тулгуурласан, шударга ёс, аюулгүй байдлын төлөөх өөрчлөлт шинэчлэл хийхэд Владимир Зеленскийг дэмжиж ажиллахаа онцолжээ. Тэд АНУ болон Украины хамтын ажиллагааг өргөжүүлэх, цар тахлыг хумихад дэмжлэг үзүүлэх, бүс нутагт ардчиллыг бэхжүүлэх зэрэг сэдвийг хөндөн ярилцсан аж.

Ташрамд, 2014 оны гуравдугаар сард ОХУ Крымийг нэгтгэж, мөн Донбасст зөрчил мөргөлдөөн эхэлсний дараа Москва, Киевийн харилцаа хурцадсан билээ. Украины эрх баригчид  Крым, Донбассын асуудалд ОХУ түрэмгийлсэн гэсэн байр суурьтай байгаа бөгөөд барууны орнууд ч үүнтэй санал нэгдэж буй.

Эх сурвалж: Лента

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet