ДЭЛХИЙН МЭДЭЭ

УКРАИН: Дайны гэмт хэргийн анхны шүүх хурал дээр Оросын цэрэг буруугаа хүлээв

Оросын танкийн дивизийн командлагч 21 настай Вадим Шишимарин хоёрдугаар сарын сүүлээр зүүн хойд Суми мужид машинтай явж байхдаа дугуйтай явж байсан зэвсэггүй иргэн рүү “АК-47” буугаар буудсан гэх хэргийн шүүх хурал лхагва гарагт эхэлжээ.

Энэ нь Украин дахь Оросын цэргүүдийн үйлдсэн дайны гэмт хэргийн анхны шүүх хурал бөгөөд орос цэрэг 62 настай энгийн иргэнийг буудаж хөнөөсөн хэргээ хүлээсэн байна.

Шүүх хурлыг гурван шүүгч хэлэлцэж байгаа бөгөөд сэжигтэн гэм буруугаа хүлээсэн ч ял оногдуулахын тулд бүх шүүгч санал нэгтэй шийдвэр гаргах ёстой. Түүнд бүх насаар нь хорих ял оноох магадлалтай байна.

Шүүх хурлын хоёр дахь өдөр хохирогчийн эхнэр, буудалцаан болох үед Шишимаринтай хамт машинд сууж явсан, дараа нь Украинчуудад олзлогдсон орос цэрэг гэх хоёр гэрчийн мэдүүлгийг сонсох гэнэ.

Прокуроруудын мэдээлснээр Оросын цэргүүдийн цуваа Украины цэргүүдийн довтолгоонд өртсөний дараа тэрээр хэсэг цэргүүдтэй хамт энгийн иргэний машин руу буудаж, дараа нь хулгайлан авч явсан байна.

Хожим нь цэргүүд хохирогчтой таарч, машинд явсан хүмүүсийн нэг нь Шишимаринд “Энгийн иргэнийг хөнөөхгүй бол Украины хамгаалагчдад мэдэгдэх” тул гал нээх заавар өгсөн байна. Тэрээр машины цонхоор гал нээж, хохирогчийг буудаж хөнөөжээ.

Гэхдээ гал нээх энэ заавар өгсөн хүн түүнд цэргийн тушаал өгөх эрхтэй хүн биш байсан бөгөөд энэ нь түүнийг хариуцлагаас мултрах боломж олгохгүй гэж прокурор Андрей Синиу шүүхийн танхимын гадаа сэтгүүлчдэд мэдэгдэв.

Украины Ерөнхий прокурор Ирина Венедиктова дайны гэмт хэргийн 40 гаруй хэргийг шүүхээр хэлэлцүүлэхээр бэлтгэж байгаа бол одоогоор 10,000 гаруй цэргийн гэмт хэрэг, тэр дундаа эмнэлгүүдэд халдсан гэмт хэрэг бүртгэгдсэн гэж эрх баригчид мэдэгджээ.

Эх сурвалж: The Guardian

1 сэтгэгдэл

  1. Pingback: Украин: Орос цэргийг дайны гэмт хэрэг үйлдсэн гэж үзэж бүх насаар нь хорих ял оноов

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet