Зургаа хүртэлх насны өвчтэй хүүхдээ асарч буй эцэг, эхэд цалинтай чөлөө олгоно

Гэрэл зургийг MPA.mn

Засгийн газрын өнөөдрийн хуралдаанаар томуу, томуу төст өвчний дэгдэлттэй холбоотойгоор бага насны хүүхэдтэй ажилтнуудыг дэмжих шийдвэр гаргалаа.

Тодруулбал, 11 дүгээр сарын 1-ний өдрөөс 6 хүртэлх насны томуу, томуу төст өвчнөөр өвчилсөн хүүхдээ гэрээр болон эмнэлэгт асарч байгаа эцэг, эх, асран хамгаалагчийн аль нэгийг ажлын 5 хүртэлх өдөр зайнаас ажиллуулах, цалинтай чөлөө олгохоор шийдвэрлэжээ.

Энэ арга хэмжээг хэрэгжүүлэхийг төрийн байгууллагуудын удирдлагад үүрэг болгож, хувийн хэвшлийн байгууллагуудыг мөн адил хэрэгжүүлэхийг уриалах юм байна.

Өмнөх жилүүдэд мөн томуу, томуу төст өвчний дэгдэлтийн үед 6 хүртэлх насны хүүхдээ асарч буй эцэг, эх, асран хамгаалагчид ажлын 5 хүртэлх хоногийн цалинтай чөлөө олгож байсан.