Дорнод аймагт гарсан хээрийн түймэрт 800 га талбай өртжээ

Гэрэл зургийг MPA.mn

Өнгөрсөн хоногт хээрийн түймрийн нэг дуудлага бүртгэгдсэн талаар ОБЕГ мэдээлэв. Тодруулбал, 

Дорнод аймгийн Матад сумын Эрдэнэбадрах багийн “Тосон-Уул” гэдэг газар /аймгийн төвөөс зүүн урд зүгт 205 км, сумын төвөөс зүүн урд зүгт 100 км/ хээрийн гал түймэр гарсан тухай дуудлагыг 09.28-ны өдрийн 16:00 цагт хүлээн авсан. 

Тус суманд хээрийн гал түймрээс урьдчилан сэргийлэх хөдөлгөөнт эргүүлийн үүрэг гүйцэтгэж байгаа Дорноговь аймгийн Онцгой байдлын газрын алба хаагчид хээрийн гал түймрийг унтраах ажиллагааг зохион байгуулан ажиллаж, 17:50 цагт цурамд оруулан 18:30 цагт бүрэн унтраасан. Урьдчилсан байдлаар хээрийн гал түймэрт 800 га талбай өртөж шатсан.