Непалын арми нисдэг тэргээр 100 гаруй хүнийг аварчээ

Гэрэл зургийг REUTERS агентлагийн эрхтэйгээр нийтлэв.

Непал, Төвөдийн хил орчимд болсон гамшигт үерийн дараа аврагчид шавар, нуранги дундаас амьд үлдсэн хүмүүсийг эрэн хайх ажиллагааг үргэлжлүүлж байна. Непалд амиа алдсан хүний тоо 389-д хүрч, Непал болон Төвөдийн нутагт 1,000 орчим хүн сураггүй хэвээр байгаа. Тэднээс 540 гаруй нь гадаадын иргэн бөгөөд аврагчид хүнд машин механизм, нисдэг тэрэг, эрэн хайх нохой ашиглан нуранги, шаврыг цэвэрлэж байгаа ч зам, гүүр сүйдсэн нь ажиллагааг хүндрүүлж байна. Үерийн улмаас Катманду–Лхасын чиглэлийн зам, цахилгаан станц, гүүр зэрэг олон дэд бүтэц сүйджээ.

Мөн дахин үер болох эрсдэл ч байна гэж албаныхан мэдээллээ. Мөсөн голын нуранги голын урсгалыг хааснаар шинээр үүссэн нуурын усны түвшин нэмэгдэж байгаа бөгөөд Хятадын талд ойрын өдрүүдэд 3 сая орчим шоо метр ус уг нуурт нэмэгдэж болзошгүй гэж анхааруулжээ. Нуурын далан сэтэрвэл дахин хүчтэй үер болох эрсдэлтэй аж. 

АНУ-ын Геологийн албаны мэдээлснээр гамшиг нь Непалын Лангтанг үндэсний цэцэрлэгт хүрээлэнгийн орчимд болсон мөсөн голын нуралтаас үүдэлтэй бөгөөд үер, нуранги бараг 100 км үргэлжилсэн байна.

Непал–Төвөдийн үерийн хамгийн сүүлийн тоон мэдээлэл.

-Амиа алдсан: 392 хүн

-Сураггүй: 1,400 гаруй хүн

Үүний дотор 500 гаруй гадаадын иргэн байна.

Непалын талд 826 хүн сураггүй бүртгэгдсэнээс 500 гаруй нь гадаадын иргэн.

Төвөдийн талд 558 хүн сураггүй, үүнээс 260 орчим нь гадаадын иргэн гэж мэдээлжээ.

Эх сурвалж: Reuters