Монгол хөрсөнд усан үзэм ургуулжээ

Монгол хөрсөнд ургасан усан үзэм бол боломжийг бодит болгож буй хөдөлмөр юм.

Эрс тэс уур амьсгалтай манай оронд усан үзмийг амжилттай тарьж, ургуулна гэдэг нь байгальдаа дасан зохицох, шинэ технологи нэвтрүүлэх, олон жилийн уйгагүй хөдөлмөр, хичээл зүтгэл, тэвчээрийн үр дүн юм.

Монгол Улсын зөвлөх агрономич Ц.Баяр болон түүний хүү Б.Зоригт нарын бүтээсэн энэхүү амжилт нь зөвхөн арвин ургацаар хэмжигдэхгүй. Харин Монгол Улсад:

- Шинэ тариалалтын технологи нэвтрүүлэх,
- Хүнсний аюулгүй жимс, жимсгэнэ үйлдвэрлэх,
- Чанартай тарьц, суулгацын хүртээмжийг нэмэгдүүлэх,
- Дэвшилтэт усалгааны системийг хөгжүүлэх,
- Мод үржүүлэг, агро ойжуулалтын мэдлэг, ур чадварыг түгээн дэлгэрүүлэх,
- Өртөг шингэсэн бүтээгдэхүүний үйлдвэрлэл, зах зээлийг хөгжүүлж, орон нутаг болон өрхийн эдийн засгийг дэмжих бодит боломжийг харуулж байна гэж Ойн газраас мэдээллээ.