ДЭЛХИЙН МЭДЭЭ

2021 ОН: Сурвалжилга хийснийхээ төлөө 24 сэтгүүлч амиа алджээ

Сэтгүүлчдийг хамгаалах ашгийн бус байгууллага (CPJ) энэ оны хэвлэлийн эрх чөлөөний тайлангаа гаргажээ. Тайланд дурдсанаар энэ оны арванхоёрдугаар сарын 1-ний байдлаар дэлхий даяар 293 сэтгүүлч шоронд хоригдож байгаа бөгөөд торны цаана байгаа сэтгүүлчдийн тоо 2021 онд дэлхийн хэмжээнд дээд цэгтээ хүрсэн байна.

Хамгийн багадаа 24 сэтгүүлч сурвалжлага хийснийхээ төлөө амиа алдаж, 18 сэтгүүлчийн нас барсан шалтгаан нь хийсэн ажлынхаа төлөө гэмт хэргийн золиос болсон эсэхийг тодорхойлоход хэцүү нөхцөл байдалтай байгаа гэж тус байгууллагын пүрэв гарагт нийтэлсэн судалгаанд дурджээ.

Сэтгүүлчдийг шоронд хорих шалтгаан улс орон бүрт харилцан адилгүй байдаг ч АНУ-д төвтэй ашгийн бус байгууллагын мэдээлснээр дэлхийн улс орнуудын улс төрийн үймээн самуун, бие даасан сурвалжлагыг үл тэвчих байдал улам бүр нэмэгдэж байгааг судалгаа харуулж байна гэжээ.

Тус байгууллагын Гүйцэтгэх захирал Жоэл Саймон мэдэгдэлдээ “Зургаа дахь жилдээ дараалан дэлхийн өнцөг булан бүрт хоригдож буй сэтгүүлчдийн тоо дээд амжилт тогтоож байна. Засгийн газрууд мэдээлэлд хяналт тавих тал дээр шийдэмгий байдаг бөгөөд үүнийг хэрэгжүүлэхийн тулд улам увайгүй оролдлого хийж байна гэдгийг энэ тоо илтгэж байна” гэв.

2021 онд амиа алдсан сэтгүүлчдийн тоонд долдугаар сард Афганистанд талибуудын халдлагад амиа алдсан “Reuters” агентлагийн гэрэл зурагчин Дани Сиддики, зургадугаар сард Мексикт буудуулж амиа алдсан Густаво Санчес Кабрера нар багтжээ.

Жагсаалтын нэгдүгээрт 50 сэтгүүлчийг шоронд хорьсон Хятад улс орсон бол хоёрдугаар сарын төрийн эргэлтийн дараа 26 сэтгүүлчийг хэлмэгдүүлж, баривчилсан Мьянмар улс удаалсан байна. Эдгээр улсуудын араас Египет (25), Вьетнам (23), Беларусь (19) улсууд оржээ.

Мексик нь бөмбөрцгийн баруун хагаст сэтгүүлчдийг хамгийн их үхэлд хүргэдэг улс хэвээр байна. Тус улсад сэтгүүлчид гэмт хэргийн бүлэглэлүүд эсвэл авилгач албан тушаалтнуудын бай болох нь олон.

Эх сурвалж: Reuters

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet