Өмнөд Солонгосын Ерөнхийлөгч Юны эсрэг импичментийн шүүх хурал дуусах шатандаа оржээ

Өмнөд Солонгосын Ерөнхийлөгч Юн Сук Ёолын эсрэг импичментийн шүүх хурал эцсийн шатандаа оржээ. 

Арванхоёрдугаар сарын 3-ны өдөр богино хугацаанд цэргийн онц байдал тогтоосон хэрэгт буруутгагдаж эрүүгийн хэрэгт татагдаад байгаа болон бусад өндөр албан тушаалтнуудын мэдүүлгийг сонссоны эцэст хоёр талын өмгөөлөгчид Үндсэн хуулийн шүүхийн өмнө нотлох баримтаа нэгтгэн дүгнэсэн байна.

Шүүх хуралдааны үеэр парламентын хуульчид мөн Юныг албан тушаалд нь эргэн томилбол дахин дайны байдал тогтоох, эсвэл үндсэн хуулийн байгууллагыг сүйрүүлэхийг оролдож магадгүй гэж үзэн, түүнийг огцруулахыг шаарджээ.

Парламентын хуульч Ким Жин Хан “Үндэсний хэмжээнд онц байдал зарлах нөхцөл бүрдээгүй үед цэргийн байдал зарлах нь дарангуйлал, цэргийн засаглалыг тунхаглах гэсэн оролдлого юм” гэж шүүгчдэд хэлсэн байна.

Тэрээр нэгдүгээр сард дүүргийн шүүх рүү дайран орсон Юны дэмжигчдийн талаар дурджээ. 

“Хэрэв тэр ажилдаа эргэн ирвэл дахин байлдааны дэглэм хэрэгжүүлэх эсэхийг бид мэдэхгүй. Хэрвээ тэр ажилдаа эргэн орвол төрийн болон үндсэн хуулийн бусад институци руу дайрахыг үгүйсгэх аргагүй.”

Пүрэв гарагт Үндсэн хуулийн Цэц дахин гурван гэрч, түүний дотор огцорсон Ерөнхий сайд, цагдаагийн экс дарга нарыг байцаахаар болжээ.

Шүүх Юныг огцруулах тухай парламентын шийдвэрийг хянан хэлэлцэж байгаа ба түүнийг албан тушаалаас нь бүрмөсөн огцруулах уу, эсвэл эргүүлэн томилох уу гэдгийг шийдэх юм. Хэрвээ түүнийг огцруулбал 60 хоногийн дотор ерөнхийлөгчийн сонгууль явуулах ёстой.

Өмнөд Солонгосын прокурорууд мөн Юныг бослого үймээн самуун удирдан зохион байгуулсан хэрэгт буруутган шалгаж байгаа. Түүнийг өнгөрсөн сард баривчилсан бөгөөд одоогоор цагдан хорих төвд хоригдож байна.

Уг хэргийн анхан шатны шүүх хурлыг пүрэв гарагт товложээ.

Эх сурвалж: Reuters