Хөвсгөл аймагт 4.0 магнитудын хүчтэй газар хөдлөлт болжээ

Гэрэл зургийг MPA.mn

Хөвсгөл аймгийн Улаан-Уул сумын 4 дүгээр багийн “Шаана” гэдэг газар /аймгийн төвөөс баруун хойд зүгт 244 км, сумын төвөөс баруун хойд зүгт 80 км/ 01.09-ний өдрийн 23:33:01 цагт 4.0 магнитудын хүчтэй газар хөдлөлт болсон тухай мэдээллийг мөн өдрийн 23:39 цагт ООГХ-ээс цахим шуудангаар ирүүлсэн. 

Тус аймгийн Онцгой байдлын газраар дамжуулан Улаан-Уул сумын Засаг даргын Тамгын газрын дарга, багийн Засаг дарга, иргэдээс тодруулахад газар хөдлөлтийн чичирхийлэл мэдрэгдээгүй бөгөөд учирсан хохиролгүй тухай мэдээлсэн.

Газар зүйн байршил (Өргөрөг, Уртраг) : 51.10 98.29
Газар хөдлөлтийн төвөөс ойр орших аймаг сумд:
Хөвсгөл аймгийн Цагааннуур сумын төвөөс Баруун зүгт 79км
Хөвсгөл аймгийн Улаан-Уул сумын төвөөс Баруун хойд зүгт 80км
Хөвсгөл аймгийн Ренчинлхүмбэ сумын төвөөс Баруун зүгт 96км