Шанхай-Улаанбаатар-Шанхай чиглэлд шууд нислэг үйлдэж эхэллээ

"Чингис хаан" Олон улсын нисэх буудалд Spring Airlines компанийн Шанхай-Улаанбаатар чиглэлийн анхны нислэгийг хүлээн авч, шинэ чиглэлийн үйл ажиллагаа албан ёсоор эхэллээ.

БНХАУ-ын анхны хувийн хэвшлийн агаарын тээврийн компаниудын нэг болох Spring Airlines нь 2026 оны 3 дугаар сарын 3-ны өдрөөс эхлэн Шанхай-Улаанбаатар–Шанхай чиглэлд Долоо хоногт 2 удаа тогтмол шууд нислэг үйлдэж байна.

Хоёр улсын зорчигчдод илүү хүртээмжтэй, шууд, хямд өртөгтэй, хялбар аяллын боломж  бүрдэж  байгаагаараа онцлогтой. 

Энэхүү шууд нислэг нээгдсэнээр бизнесийн айлчлал, аялал жуулчлал, суралцах, ажиллах, ойр дотнын хүмүүсээ эргэх зэрэг олон боломж илүү ойртож байна.

Түүнчлэн Монгол, Хятад 2 улсын хооронд хүмүүнлэгийн солилцоо, худалдаа, эдийн засгийн хамтын ажиллагаанд чухал түлхэц болно гэж Зам, тээврийн яамнаас мэдээллээ.